
Muhim: User API bilan integratsiyalar 2027 yil 1 yanvardan boshlab ishlamaydi
Biz User API — FoodSoul’ning eski API’sini o‘chirmoqdamiz. Avvallari buyurtmalar statusini o‘zgartirish, narxlar va yetkazib berish hududlarini yangilash, kuryerlarni boshqarish shu API orqali amalga oshirilardi. U anchadan beri yangilanmayapti: barcha yangi imkoniyatlarni biz CRM API’ga qo‘shmoqdamiz.
Agar integratsiyangiz User API orqali ishlayotgan bo‘lsa, uni 1-yanvargacha CRM API’ga o‘tkazish kerak. Aks holda, ushbu sanadan keyin FoodSoul barcha so‘rovlarga xatolik bilan javob beradi. O‘tish uchun qanday tayyorgarlik ko‘rish kerakligi haqida quyida ma’lumot beramiz.
Integratsiyani qanday tekshirish mumkin
Integratsiyangiz User API orqali ishlayaptimi-yo‘qligini dasturchi tekshirishi mumkin. Bunday integratsiya quyidagi manzillarga so‘rov yuboradi:
- https://foodsoul.pro/api/user/v1/ (shuningdek, kz. va az.) — birinchi versiya;
- https://foodsoul.pro/api/user/v2/ (shuningdek, kz. va ua.) — ikkinchi versiya.
Agar ishonchingiz komil bo‘lmasa, integratsiyangizni kim xizmat ko‘rsatayotgan bo‘lsa, o‘sha kishidan so‘rang yoki texnik yordamga yozing.
O‘tish nimani beradi
CRM API User API’dan ancha ko‘proq imkoniyatlarga ega: unda buyurtmalar va ularning kartochkalari, menyu, stop-list va qoldiqlar, mijozlar, aksiyalar va hisobotlar bilan ishlash mumkin.
Webhook’lar haqida alohida aytish lozim. Ular yordamida CRM tizimi o‘zi sizning tizimingizga voqealar haqida — masalan, yangi buyurtma yoki status o‘zgarishi haqida — xabar beradi va integratsiyaga API’ni doimiy so‘rab turish shart bo‘lmaydi.
Yana bir afzallik — alohida kirish tokenlari. Har bir integratsiyaga kerakli huquqlarga ega alohida token berish mumkin, zarurat tug‘ilganda esa uni istalgan vaqtda bloklash yoki o‘chirish mumkin.
Qanday o‘tish kerak
- CRM’da API-token yarating: “Integratsiyalar” → “API uchun kirish tokenlari”. Uni darhol saqlab oling: token faqat yaratilgan paytda ko‘rsatiladi.
- Token va CRM API hujjatiga havolani dasturchingizga yuboring.
- Dasturchi integratsiyani CRM API’ga o‘tkazadi. Faqat manzilni almashtirish yetarli emas: endi amal so‘rov URL’ida ko‘rsatiladi, so‘rov va javoblarda uzatiladigan maydonlar ro‘yxati o‘zgargan.
Eslatib o‘tamiz, buni 2027-yil 1-yanvargacha amalga oshirish kerak.
CRM API’ning to‘liq hujjati FoodSoul portalida: docs.foodsoul.pro. Agar o‘tishda yordam kerak bo‘lsa, texnik yordamga yozing.
Hurmat bilan, FoodSoul jamoasi! Biz Siz uchun ishlaymiz!