Aqlli qo‘shimcha savdolar: tizim buyurtmaga nima taklif qilishni o‘zi tanlaydi

Pitsaga ichimlik, guldastaga ochiqcha, gazaklarga sous endi har bir mahsulot uchun alohida sozlamalarsiz avtomatik tarzda tanlanishi mumkin. Xaridor darhol yana nima olish mumkinligini ko‘radi, siz esa ko‘proq sotasiz.

Tavsiyalar har bir filial uchun alohida tanlanadi, uning katalogi hisobga olinadi. Siz allaqachon qo‘lda sozlagan barcha bog‘lanishlar saqlanadi: tizim sizning bog‘lanishlaringizga yangi tavsiyalarni qo‘shadi, ularni almashtirmaydi.

Uchta strategiya mavjud — sizga mosini tanlang

1. Sotuv statistikasi asosida — filialda allaqachon buyurtmalar to‘plangan bo‘lsa

Tizim ushbu filial xaridorlari nimani ko‘proq birga sotib olishini kuzatadi va shu kombinatsiyalarni qo‘shimcha sotuvlarda taklif qiladi. Masalan, agar pionlarga ko‘pincha krafli o‘ram sotib olinsa, u har bir pion guldastasiga tavsiya qilinadi.

Hisob-kitobda oxirgi bir oy ichidagi buyurtmalar inobatga olinadi. Bu yerda sun’iy intellekt ishlatilmaydi. Yangi filial uchun bu variant hozircha mos emas: buyurtmalar bo‘lmasa, tizim tahlil qiladigan ma’lumot bo‘lmaydi.

2. Sun’iy intellekt tavsiyalari — tayyorgarliksiz qo‘shimcha sotuvlarni ishga tushirish

Sun’iy intellekt filial katalogini o‘rganadi: mahsulot nomlari, tavsiflari va kategoriyalarini tahlil qilib, nimalar bir-biriga mos kelishini o‘zi aniqlaydi. Masalan, siz menyuga tom yam qo‘shdingiz. Sun’iy intellekt bu achchiq sho‘rva ekanini tushunadi va unga guruch hamda sovuq ichimlik tavsiya qiladi, hatto bu sho‘rva hali hech kim tomonidan buyurtma qilinmagan bo‘lsa ham.

Buyurtmalar tarixi kerak emas, ko‘rsatmalar yozish ham shart emas. Strategiyani yoqishning o‘zi kifoya. Bu ayniqsa yangi ochilgan filial yoki mahsulotlaringizga nimalarni tavsiya qilishni hali bilmasangiz qulay.

3. Sun’iy intellektga promt berish — o‘z qoidalaringizni belgilamoqchi bo‘lsangiz

Sun’iy intellektga nimalarni bir-biriga tavsiya qilish kerakligini yozing va u mahsulotlarni sizning qoidalaringiz asosida tanlaydi. Masalan:

• Oziq-ovqat yetkazib berishda: “Asosiy issiq taomlarga katalogdagi ichimliklarni tavsiya qil: achchiq taomlarga — sovuq va sutli ichimliklar, yengil taomlarga — choy yoki qahva. Taomning o‘zi bilan bir xil kategoriyadagi mahsulotlarni tavsiya qilma”.
• Gullar yetkazib berishda: “Guldastalarga o‘ram, ochiqcha va kesilgan gullar uchun parvarish vositasini tavsiya qil. Idishli o‘simliklarga — gultuvak, tuproq va o‘g‘it. Guldastaga ikkinchi guldasta tavsiya qilinmasin”.

Shu tarzda siz tizimga qaysi kombinatsiyalar biznesingizga mos va nimalarni tavsiya qilmaslik kerakligini tushuntirasiz. Qoidalar butun tarmoq uchun umumiy bo‘ladi, lekin har bir filial o‘z katalogidan tavsiyalar oladi.

Qanday yoqiladi?

“Sozlamalar” → “Nomenklatura” → “Qo‘shimcha sotuvlar” bo‘limiga o‘ting va “Avtomatlashtirish” tugmasini bosing. Bir strategiyani tanlang va tuggmachani yoqing. Sozlama darhol butun tarmoq bo‘ylab ishga tushadi.

Keyinchalik tavsiyalarni yangilash va o‘chirish mumkin:

• Tavsiyalarni qayta hisoblash — "Tavsiyalarni yangilash" tugmasi orqali. Bu katalogga yangi mahsulotlar qo‘shganingizda, promtni o‘zgartirganingizda yoki yangi buyurtmalarni hisobga olmoqchi bo‘lsangiz kerak bo‘ladi. Sun’iy intellekt strategiyalari uchun har bir filialda oyiga ikki marta yangilash mumkin.
• Avtomatika qo‘shgan hamma narsani o‘chirish — tanlangan filial uchun bitta tugma bilan. Qo‘lda o‘rnatilgan bog‘lanishlar saqlanadi.

E’tibor bering, tizim bir mahsulotga besh tadan ortiq tavsiya qo‘shmaydi. Vitrinadagi qo‘shimcha sotuvlarda ham avvalgidek yigirma pozitsiyadan oshmaydi.

Hurmat bilan, FoodSoul jamoasi! Siz uchun ishlaymiz!